ചെമ്പേരി വിമൽജ്യോതി എൻജിനീയറിംഗ് കോളജിൽ നിന്ന് ഗോവയിലേക്ക് പഠന വിനോദയാത്രക്ക് പോയ എൻജിനീയറിങ് വിദ്യാർത്ഥി നിർമ്മൽ ഷാജുവിന്റെ (21) മൃതദേഹം പാറയിടുക്കിൽ കുടുങ്ങിയ നിലയിൽ കണ്ടെത്തി .ഇന്ന് രാവിലെയാണ് മൃതദേഹം കണ്ടെത്തിയത് .മൂന്നാം സെമസ്റ്റർ കമ്പ്യൂട്ടർ സയൻസ് വിദ്യാർത്ഥിയാണ് നിർമൽ ഷാജു . വ്യാഴാഴ്ച രാത്രിയാണ് 300 ഓളം കുട്ടികളും രക്ഷിതാക്കളും അധ്യാപകരുമായി ഗോവയിലേക്ക് പോയത്. ഇന്നലെ വൈകീട്ട് കടലിൽ കുളിക്കാനിറങ്ങിയപ്പോൾ അബദ്ധത്തിൽ തിരയിൽ പെടുകയായിരുന്നു.ആലക്കോട് പുല്ലാനി കാവിൽ ഷാജു- ജാൻസി ദമ്പതികളുടെ മകനാണ്. വിനോദയാത്രാ സംഘം ഇന്ന് മടങ്ങാനിരിക്കവെയാണ് എല്ലാവരെയും ദുഃഖത്തിലാഴ്ത്തിയ നിർമ്മലിന്റെ അന്ത്യം.സഹോദരി: നീതു ( ബാംഗ്ലൂർ.)
