ചൊക്ലി: ബാറ്ററി മോഷണം നടത്തുന്ന സംഘത്തിലെ മൂന്നുപേരെ ചൊക്ലി പൊലീസ് അറസ്റ്റ് ചെയ്തു. കണ്ണൂർ, കോഴിക്കോട് ജില്ലകളിൽനിന്നായി നൂറിലധികം ബാറ്ററികളാണ് വിവിധ ദിവസങ്ങളിലായി മോഷണം പോയത്.പിണറായി, വടകര, നാദാപുരം, ഏറാമല, പെരിങ്ങത്തൂർ, ചോമ്പാല, പാനൂർ, കുന്നുമ്മക്കര, എടച്ചേരി എന്നിവിടങ്ങളിൽ നിന്നായാണ് മോഷണം നടന്നത്. കരിയാട് സാന്ത്വനത്തിലെ യദുകൃഷ്ണൻ (19), കോടിയേരി സീന ക്വാർട്ടേഴ്സിലെ സവാദ് (22), കടവത്തൂർ കല്ലൻതൊടി ഹൗസിലെ കെ. അശ്വന്ത് (22) എന്നിവരെയാണ് ചൊക്ലി പൊലീസ് ശനിയാഴ്ച രാത്രി 11ഓടെ തലശ്ശേരിയിൽ കസ്റ്റഡിയിലെടുത്തത്. തുടർന്ന് തലശ്ശേരി ജെ.എഫ്.സി.എം കോടതിയിൽ ഹാജരാക്കി റിമാൻഡ് ചെയ്തു .ഒരു ബാറ്ററി കടയിൽ വിറ്റാൽ മൂവായിരം രൂപയോളം ലഭിക്കും.
