കണ്ണൂർ ജില്ലയുടെ വിനോദസഞ്ചാര സാധ്യതകൾ ലോകത്തോടു വിളിച്ചുപറയാൻ മനോഹരമായ പ്രകൃതി ദൃശ്യങ്ങൾ കോർത്തിണക്കി ഡിടിപിസി ഒരുക്കുന്ന വീഡിയോ ഗാനത്തിന്റെ പ്രകാശനം സെപ്റ്റംബർ 4ന് നടക്കും. കൈതപ്രം ദാമോദരൻ നമ്പൂതിരി രചിച്ച് വിനീത് ശ്രീനിവാസൻ പാടി അഭിനയിച്ച സോങ് ഓഫ് കണ്ണൂർ ഹെവൻ ഓഫ് ടൂറിസം എന്ന ഗാനത്തിന്റെ സംവിധാനവും സംഗീത സംവിധാനവും നിർവഹിച്ചിരിക്കുന്നത് ഡോ സി.വി.രഞ്ജിത്താണ്.
ജില്ലയിലെ ഇരുപത്തിയഞ്ചോളം വിനോദസഞ്ചാര കേന്ദ്രങ്ങളിൽ ചിതീകരിച്ച ഗാനരംഗത്തിൽ വിനീത് ശ്രീനിവാസനെക്കൂടാതെ മലബാറിലെ പ്രശസ്തരായ മട്ടന്നൂർ ശങ്കരൻ കുട്ടി, നടനും നർത്തകനുമായവിനീത്, സന്തോഷ് കീഴാറ്റൂർ, സംവിധായകൻ സലിം അഹമ്മദ്,കൈതപ്രം ദാമോദരൻ നമ്പൂതിരി,ഗായികയും ഗിന്നസ് റെക്കോർഡ് ഉടമയുമായ സചേതാ സതീഷ് തുടങ്ങിയവരും അതിഥി താരങ്ങളായി എത്തുന്നുണ്ട്. കേരള ക്രിക്കറ്റ് ടീം മുൻ ക്യാപ്റ്റനും മോഡലുമായ
കെ.ജെ.മഹീന്ദ്രയുടെ സാന്നിധ്യവുമുണ്ട്. ജില്ലയുടെ പ്രദേശങ്ങളും അധികമാരും കാണാത്ത വിഡിയോയിലൂടെ സഞ്ചാരപ്രിയർക്കു മുന്നിലെത്തുമെന്ന് സംവിധായകൻ ഡോ.സി.വി.രഞ്ജിത്ത് പറഞ്ഞു.
