പാപ്പിനിശ്ശേരി ആറോൺ യു.പി. സ്കൂളിൽ മഹാത്മജിയുടെ പ്രതിമ സ്ഥാപിച്ചു.സ്കൂളിൽ ദീർഘകാലം ജോലിചെയ്ത മുൻ പ്രഥമാധ്യാപകൻ കെ.പി. ദാമോദരന്റെ സ്മരണയിൽ അദ്ദേഹത്തിന്റെ കുടുംബാംഗങ്ങളാണ് പ്രതിമ സ്ഥാപിക്കാൻ സഹായധനം നൽകിയത്. പ്രമുഖ ശില്പി ശ്രീജിത്ത് അഞ്ചാംപീടികയാണ് പ്രതിമ നിർമിച്ചത്.
ജില്ലാ പഞ്ചായത്ത് പ്രസിഡന്റ് പി.പി. ദിവ്യ പ്രതിമ അനാവരണം ചെയ്തു.പാപ്പിനിശ്ശേരി ഗ്രാമപ്പഞ്ചായത്ത് വൈസ് പ്രസിഡന്റ് കെ. പ്രദീപ്‌കുമാർ അധ്യക്ഷത വഹിച്ചു. പഞ്ചായത്ത് അംഗം സി.എച്ച്. അബ്ദുൾസലാം, കല്യാശ്ശേരി പഞ്ചായത്ത് വൈസ് പ്രസിഡൻറ് സി. നിഷ, ടി.ജെ. ജോസഫ്, മുൻ പ്രഥമാധ്യാപകരായ ടി. ആമോസ്, കെ.വി. ഗംഗാധരൻ, കല്യാശ്ശേരി സൗത്ത് യു.പി. മുൻ അധ്യാപിക കെ. സരോജിനി, റെജിനോൾഡ്, അനിൽകുമാർ, കെ.കെ. അജിത എന്നിവർ സംസാരിച്ചു.
