റോഡിൽ നിന്ന് ഓവുചാലിലേക്ക് സ്കൂട്ടർ തെന്നിവീണ് ഗുരുതരമായി പരിക്കേറ്റ പ്രവാസിയായ യുവാവ് മരണപ്പെട്ടു. മൂന്ന് മാസം മുമ്പ് അബുദാബിയിൽ നിന്ന് നാട്ടിലെത്തിയ അഴീക്കോട് പുന്നക്കപ്പാറ ഗുജറാപളളിക്ക് സമീപം താമസിക്കുന്ന പാറോത്ത് കിഴക്കേയിൽ ഹൗസിൽ പി കെ.നവാസ് (32) ആണ് മരിച്ചത്.പുന്നക്കപ്പാറയിലെ പി പി.നജീബ് – പി കെ സുലൈഖ ദമ്പതികളുടെ മകനാണ്.
ഇന്നലെ രാത്രി 10.30 മണിയോടെ കീച്ചേരി പാലോട്ടു വയലിലായിരുന്നു അപകടം.പുന്നക്കപ്പാറയിലെ തറവാട്ടുവീട്ടിൽ നിന്നും മാങ്കടവിലെ ഭാര്യവീട്ടിലേക്കുള്ള യാത്രയിലായിരുന്നു അപകടം .നാട്ടുകാർ ഉടൻ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. ഭാര്യ: ഫാത്തിമത്ത് റിഷാന. മക്കൾ: മൻഹ ഫാത്തിമ, മുഹമ്മദ് ഹയാൻ. സഹോദരങ്ങൾ: സഫ്വാൻ, അനസ്.വളപട്ടണം പോലീസ് മൃതദേഹം ഇൻക്വസ്റ്റ് നടത്തി.
