ഹാഷിഷ് ഓയിലുമായി ഇരിട്ടി വിളക്കോട് സ്വദേശിയായ യുവാവ് പിടിയിൽ. 60 മില്ലി ഹാഷിഷ് ഓയിലുമായി വിളക്കോട് പാറാടൻ മുക്കിലെ
കൊയിലോട്ര ഹൗസിൽ ഹര്‍ഷിത്ത് (29) നെയാണ് മുഴക്കുന്ന് പോലീസ് ഇൻസ്‌പെക്ടർ രജീഷ് തെരുവത്ത് പീടികയിലിന്റെ നിർദ്ദേശപ്രകാരം എസ് ഐ ഷിബു എഫ് പോളിന്റെ നേതൃത്വത്തിലുള്ള സംഘം പിടികൂടിയത്.
ജില്ലാ പോലീസ് മേധാവിയുടെ ലഹരി വിരുദ്ധ സ്‌ക്വാഡിന് ലഭിച്ച രഹസ്യ വിവരത്തെ തുടര്‍ന്ന് ഹർഷിത്തിന്റെ വീട്ടിൽ വെള്ളിയാഴ്ച വൈകുന്നേരം നടത്തിയ പരിശോധനയിലാണ് ഹാഷിഷ് ഓയിൽ കണ്ടെത്തിയത്.എഎസ്ഐ ജയരാജൻ, സിവിൽ പോലീസ് ഓഫിസർമാരായ റോഷിത്ത്, നവാസ്, സന്തോഷ്, സ്ക്വാഡ് അംഗങ്ങളായ ഷൗക്കത്തലി, നിഷാദ്, സുധീഷ് എന്നിവരും പരിശോധക സംഘത്തിൽ ഉണ്ടായിരുന്നു. പ്രതിയെ ഇന്ന് കോടതിയിൽ ഹാജരാക്കും.
