സർക്കാരും ഗവർണറും തമ്മിലുള്ള പോര് മുറുകുന്നു. അസാധാരണ നീക്കവുമായി ഗവർണർ ആരിഫ് മുഹമ്മദ് ഖാൻ. ധനമന്ത്രിയെ മാറ്റണമെന്ന് മുഖ്യമന്ത്രിക്ക് ഗവർണർ കത്തയച്ചു. ധനമന്ത്രിയുടെ പ്രീതി നഷ്ടമായെന്ന് മുഖ്യമന്ത്രിക്ക് അയച്ച കത്തിൽ പറയുന്നു. ധനമന്ത്രിയുടെ പ്രസംഗം അപമാനിക്കുന്ന തരത്തിലെന്നും ഗവർണർ. മന്ത്രിയെ മാറ്റാൻ പറ്റില്ലെന്ന് ഗവർണർക്ക് മുഖ്യമന്ത്രി മറുപടി നൽകി.
തനിക്ക് എതിരെ പരസ്യ പ്രസ്താവന നടത്തിയ കെ എൻ ബാലഗോപാൽ മന്ത്രിയായി തുടരുന്നതിൽ ഗവർണർ അപ്രീതി രേഖപ്പെടുത്തി. കഴിഞ്ഞ ദിവസം വൈകുന്നേരമാണ് മുഖ്യമന്ത്രിക്ക് ഗവർണർ കത്തയച്ചത്. യുപിയിൽ ഉള്ളർക്ക് കേരളത്തിലെ കാര്യം മനസ്സിലാക്കാൻ സാധിക്കില്ലെന്ന ബാലഗോപാലിന്റെ പ്രസ്താവന ദേശീയതയെ പോലും ചോദ്യം ചെയ്യുന്നതാണ്. രാജ്യദ്രോഹപരമായ പരാമര്‍ശമാണെന്നും ഗവർണറുടെ കത്തിൽ വ്യക്തമാക്കുന്നു.
