കോട്ടയം: ഓട്ടോയിൽ നിന്ന് തെറിച്ച് വീണ് കുട്ടി മരിച്ചു. കാഞ്ഞിരപ്പള്ളി തുമ്പമട മുണ്ടയ്ക്കൽ മനോജിന്റെ മകൾ നിരഞ്ജന (10)യാണ് മരിച്ചത്. ബന്ധു വീട്ടിൽ പോയി മടങ്ങി വരും വഴിയായിരുന്നു അപകടം. തിങ്കളാഴ്ച രാത്രി 9.45 ഓടെ കാഞ്ഞിരപ്പള്ളി പാലാ റോഡിൽ കാഞ്ഞിരപ്പള്ളി മൃഗാശുപത്രിക്ക് അടുത്താണ് സംഭവം. കുടുംബം സഞ്ചരിച്ചിരുന്ന ഗുഡ്സ് ഓട്ടോ മഴയത്ത് റോഡിലേക്ക് തകര്‍ന്നു വീണ മതിലിന്റെ കല്ലിൽ തട്ടിയാണ് മറിഞ്ഞത്. കുട്ടിയുടെ പിതാവ് മനോജ് ഓടിച്ചിരുന്ന ഗുഡ്സ് ഓട്ടോയാണ് അപകടത്തിൽ പെട്ടത്.
