യുവാവിന്‍റെ ദുരൂഹ മരണവുമായി ബന്ധപ്പെട്ട് കണ്ണൂരിൽ സി.പി.എം ബ്രാഞ്ച് സെക്രട്ടറി അറസ്റ്റിൽ. ആത്മഹത്യാ പ്രേരണാ കുറ്റം ചുമത്തിയാണ് കേളകം, മുട്ടുമാറ്റി ബ്രാഞ്ച് സെക്രട്ടറി ചേനാട്ട് ജോബിനെ പൊലീസ് അറസ്റ്റ് ചെയ്തത്. കേളകം അടക്കാത്തോട്ടിലെ പി. സന്തോഷിന്‍റെ ദുരൂഹ മരണത്തിലാണ് ഇയാൾ പിടിയിലായത്. കഴിഞ്ഞ മാസം 27 നാണ് സന്തോഷിനെ മരിച്ച നിലയിൽ കണ്ടെത്തിയത്. സന്തോഷിന്‍റേത് കൊലപാതകമെന്നാണ് ബന്ധുക്കളുടെ ആരോപണം. ഇതിനെ തുടർന്നാണ് പൊലീസ് പ്രാഥമികാന്വോഷണം നടത്തി സി.പി.എം ബ്രാഞ്ച് സെക്രട്ടറി ചേനാട്ട് ജോബിനെ അറസ്റ്റ് ചെയ്തത്.
