കണ്ണൂർ ജില്ലയുടെ മലയോര മേഖലകളിൽ ഭീതി പടർത്തിയ കടുവ ആറളം വന്യജീവി സങ്കേതത്തിലേക്ക് കടന്നതായ പ്രചരണത്തിനിടെ കടുവയെ ആറളം ഫാമിൽ കണ്ടെത്തി. വന്യജീവി സങ്കേതത്തിലേക്ക് കടന്നെന്ന നിലപാടിനെ തുടർന്ന് വനംവകുപ്പ് കഴിഞ്ഞ ദിവം കടുവയെ കെടത്താനുള്ള തിരച്ചിൽ നിർത്തിവെച്ചിരുന്നു. അതിനിടയിലാണ്
ആറളം ഫാമിൽ കടുവയെ കണ്ടെത്തിയത്. ഒന്നാം ബ്ലോക്കിൽ ശനിയാഴ്ച കള്ള് ചെത്ത് തൊതൊഴിലാളിയാണ് കടുവയെ കണ്ടത്. തുടർന്ന് ദൃശ്യങ്ങൾ പകർത്തുകയും ചെയ്തു. ഇതോടെ മേഖലയിൽ വീണ്ടും ഭീതി പരന്നു. കടുവയെ കണ്ടെത്തി വനത്തിലേക്ക് കടത്താൻ ശ്രമം തുടരുകയാണെന്ന് വനപാലകർ അറിയിച്ചു.
