തൊടുപുഴ കെ.സി.എ അന്താരാഷ്ട്ര സ്റ്റേഡിയത്തില്‍ സംസ്ഥാന പത്രപ്രവർത്തക യൂണിയന്‍റെ നേതൃത്വത്തിൽ നടക്കുന്ന ജേര്‍ണലിസ്റ്റ് ക്രിക്കറ്റ് ലീഗില്‍ പങ്കെടുക്കുന്ന കണ്ണൂർ പ്രസ്ക്ലബ് ടീമിന്‍റെ ജേഴ്സി പ്രകാശനം ചെയ്തു. കണ്ണൂർ പ്രസ്ക്ലബിൽ നടന്ന ചടങ്ങിൽ കണ്ണൂർ സിറ്റി പൊലീസ് കമ്മീഷണർ അജിത്കുമാർ പ്രകാശനം നിർവഹിച്ചു. സംസ്ഥാന സ്പോർട്സ് കൗൺസിൽ വൈസ് പ്രസിഡന്‍റ് ഒ.കെ. വിനീഷ് ഏറ്റുവാങ്ങി. സ്റ്റോറീസ് ഗ്ലോബൽ ഹോംസ് പ്രൈവറ്റ് ലിമിറ്റഡ് ഡയറക്ടർ മുഹമ്മദ് ബാസിൽ ടീം മാനേജർ കബീർ കണ്ണാടിപ്പറമ്പിന് ജേഴ്സി കൈമാറി. പ്രസ്ക്ലബ് പ്രസിഡന്‍റ് സിജി ഉലഹന്നാൻ അധ്യക്ഷത വഹിച്ചു. സെക്രട്ടറി കെ. വിജേഷ് പ്രസംഗിച്ചു.
ടീം അംഗങ്ങൾ: പ്രശാന്ത് പുത്തലത്ത്, എം.എ. രാജീവ് കുമാർ, കെ. വിജേഷ്, ടി.പി. വിപിൻദാസ് , ഷമീർ ഊർപ്പള്ളി, കെ. ജയൻ, ജയദീപ് ചന്ദ്രൻ , പി. ദാവൂദ്, രഞ്ജിത്ത് നാരായണൻ, സി.പി. സജിത്ത്, അർജുൻ ബാബുരാജ്, കെ. പ്രതീക്ഷ് , രാജേഷ് വെള്ളരിക്കുണ്ട്. മാനേജർ കബീർ കണ്ണാടിപ്പറമ്പ്.
