ചരിത്രപ്രസിദ്ധവും പുരാതനവുമായ പള്ളൂർ ചിരുകണ്ടോത്ത് തറവാട് കുടുംബസംഗമം തലമുറകളുടെ സംഗമവേദിയായി. ഞായറാഴ്ച തറവാട് ഭവനത്തിൽ വിപുലമായ പരിപാടികളോടെ സംഘടിപ്പിച്ച സംഗമത്തിൽ പിഞ്ചു കുഞ്ഞുങ്ങൾ മുതൽ പ്രായമേറിയവർവരെ അണിനിരന്നു. അഞ്ചു താവഴികളിൽ നിന്നായി സ്വദേശത്തും വിദേശത്തുമുള്ള നാനൂറോളം കുടുബാഗംങ്ങൾ സംഗമത്തിൽ പങ്കെടുത്തു. തറവാട് കാരണവരുടെ അധ്യക്ഷതയിൽ നടന്ന ചടങ്ങിൽ മുതിർന്ന അംഗങ്ങളെയും പുതുച്ചേരി സർക്കാറിന്‍റെ വിശിഷ്ട സേവനത്തിനുള്ള അവാർഡ് നേടിയ എസ്.ഐ ഇ.കെ. രാധാകൃഷ്ണനെയും ആദരിച്ചു. വിവിധ പരീക്ഷകളിൽ ഉന്നത വിജയം കരസ്ഥമാക്കിയ കുടുംബാംഗങ്ങളായ വിദ്യാർത്ഥികളെ ചടങ്ങിൽ അനുമോദിച്ചു.
ക്ഷേത്രം കാര്യങ്ങളും മറ്റു ദൈന്യംദിന കാര്യങ്ങളും വിശദീകരിച്ചതോടൊപ്പം ഭാവി പ്രവർത്തനങ്ങളെ കുറിച്ചുള്ള ചർച്ചകളും മാതൃ സമിതിയുടെ രൂപീകരണവും നടന്നു. കുടുബംഗങ്ങളുടെ സർഗാത്മക കഴിവുകൾ പ്രകടിപ്പിക്കാനുള്ള വേദി കൂടിയായി രാവിലെ മുതൽ വൈകിട്ടുവരെ നടന്ന കുടുംബ സംഗമം.
