കാറും ബൈക്കും കൂട്ടിയിടിച്ച് പരിക്കേറ്റ യുവാവ് മരണപ്പെട്ടു

എടക്കാട് പൊലിസ് പരിധിയിൽ ധർമ്മടം മൊയ്തുപാലത്തിനടുത്ത് കാറും ബൈക്കും കൂട്ടിയിടിച്ച് ഗുരുതരമായി പരിക്കേറ്റ യുവാവ് ആശുപത്രിയിൽ ചികിത്സക്കിടെ മരിച്ചു. കൊളശ്ശേരി കാവുംഭാഗത്തെ ദേവസ്വം പറമ്പിൽ പ്രണവാ(24) ണ് തി-കളാഴ്ച ഉച്ചയോടെ മരണപ്പെട്ടത്. പെയിൻറിങ്​ തൊഴിലാളിയാണ്. വീട്ടിൽ നിന്നും ഇക്കഴിഞ്ഞ ഞായറാഴ്ച അതിരാവിലെ ബൈക്കിൽ പറശ്ശിനി മടപ്പുരയിലേക്ക് പോവുന്നതിനിടയിൽ എതിരെ വന്ന കാറുമായി കൂട്ടിയിടിച്ചായിരുന്നു അപകടം. പരിക്കേറ്റ പ്രണവിനെ ഉടൻ ചാലയിലെ സ്വകാര്യ ആശുപത്രിയിലെത്തിച്ചു. ചികിത്സക്കിടയിലായിരുന്നു മരണം. അച്ചൻ: രമേശൻ. അമ്മ: പ്രസിത.സഹോദരി: അമൃത ( വിദ്യാർത്ഥിനി)