മുഖ്യമന്ത്രിക്കെതിരായ പ്രതിപക്ഷ പ്രതിഷേധത്തിന് പിന്നാലെ കോൺഗ്രസ് ഓഫീസുകൾക്ക് നേരെ വ്യാപക ആക്രമം. കുറ്റ്യാടി അമ്പലക്കുളങ്ങരയിലെ കോൺഗ്രസ് ഓഫീസിന് നേരെ ബോംബേറുണ്ടായി. ബോബേറിൽ ഓഫീസിന്റെ ജനൽ ചില്ലുകളും വാതിലുകളും തകർന്നു. ഇന്ന് പുലർച്ചെ അഞ്ചരക്കയിരുന്നു ഓഫീസിന് നേരെ ആക്രമണമുണ്ടായത്. ആക്രമണത്തിന് പിന്നിൽ സിപിഐഎമ്മാണെന്ന് കോൺഗ്രസ് ആരോപിച്ചു.ഇന്നലെ രാത്രി പേരാമ്പ്ര പ്രസിഡൻസി റോഡിലെ കോൺഗ്രസ് ഓഫീസിന് നേരേയും ആക്രമണമുണ്ടായിരുന്നു. ഓഫീസിന്റെ വാതിലുകളും ജനലുകളും തകർന്നു. കോഴിക്കോട് ഏറാമല കുന്നുമ്മക്കര കോൺഗ്രസ് മണ്ഡലം കമ്മിറ്റി ഓഫീസിന് നേരേയും ആക്രമം ഉണ്ടായി. മണ്ണൂരിലും കൊയിലാണ്ടിയിലും കോൺഗ്രസ് മണ്ഡലം പ്രസിഡൻറുമാർക്ക് നേരെ ആക്രമിച്ചു. പൊലീസ് നോക്കിനിൽക്കെയാണ് ഈ സ്ഥലങ്ങളിൽ സിപിഐഎം ആക്രമം നടത്തിയതെന്ന് കോഴിക്കോട് ഡിസിസി സെക്രട്ടറി അഡ്വക്കേറ്റ് കെ. പ്രവീൺ കുമാർ ആരോപിച്ചു.
