ചെറുപുഴ : വിവിധ മേഖലകളിൽ കഴിവ് തെളിയിച്ച കലാകാരൻമാർക്ക് ചെറുപുഴ നാദബ്രഹ്മ കലാക്ഷേത്രം ഏർപ്പെടുത്തിയ നാദബ്രഹ്മ പുരസ്കാരം കവിയും സംഗീതസംവിധായകനുമായ കൈതപ്രം ദാമോദരൻ നമ്പൂതിരിക്ക് സമ്മാനിക്കും. 15,001 രൂപയും പ്രശസ്തിപത്രവും ഫലകവും അടങ്ങിയതാണ് പുരസ്കാരം.
നാദബ്രഹ്മ കലാക്ഷേത്രത്തിന്റെ 27-ാമത് വാർഷികദിനമായ ഒക്ടോബർ നാലിന് ചെറുപുഴ ജെ.എം.യു.പി. സ്കൂളിൽ രാജ്‌മോഹൻ ഉണ്ണിത്താൻ എം.പി., ടി.ഐ.മധുസൂദനൻ എം.എൽ.എ. എന്നിവർ ചേർന്ന് പുരസ്കാരം സമ്മാനിക്കും.
