തളിപ്പറമ്പ് : തെരുവ് നായ്ക്കൾ കുറുകെ ചാടി ബൈക്ക് മറിഞ്ഞ് ബൈക്ക് യാത്രക്കാരൻ്റെ വലത് കൈക്ക് പരിക്കേറ്റു. ശ്രീകണ്ഠാപുരം നിടിയേങ്ങയിലെ ആലിങ്കിൽ പ്രനീഷിനാ (32)ണ് പരിക്കേറ്റത്.ഇന്നലെ രാത്രി പത്ത് മണിയോടെ കുറുമാത്തൂരിൽ വെച്ചാണ് അപകടം.
തളിപ്പറമ്പിൽ നിന്നും നിടിയേങ്ങയിലേക്ക് ബൈക്ക് ഓടിച്ച് പോകുമ്പോൾ കുറുമാത്തൂർ ചൊർക്കള പള്ളിക്ക് സമീപം വെച്ച് ഒരു സംഘം തെരുവുനായ്ക്കൾ റോഡിന് കുറുകെ ഓടുകയായിരുന്നു.നായ്കൂട്ടത്തെ ഇടിച്ച ബൈക്ക് മറിഞ്ഞ് തെറിച്ച് വീണ പ്രനീഷിൻ്റെ വലത് കൈക്കും വാരിയെല്ലിനും പരിക്കേല്ക്കുകയായിരുന്നു. സംഭവം കണ്ട നാട്ടുകാർ ഓടിയെത്തി പ്രനീഷിനെ തളിപ്പറമ്പ് സഹകരണ ആശുപത്രിയിൽ എത്തിക്കുകയായിരുന്നു.
