കണ്ണൂർ: കണ്ണൂരിൽ ലഹരി മരുന്ന് കേസ് പ്രതി സി.ഐയേയും എ.എസ്.ഐയേയും മർദ്ദിച്ചു. കണ്ണൂർ ടൗൺ സിഐക്കും എ.എസ്.ഐക്കുമാണ് ലഹരി മരുന്ന് കേസ് പ്രതിയുടെ മർദ്ദനമേറ്റത്. പ്രതിയെ പിടികൂടാൻ ശ്രമിക്കുന്നതിനിടെ ഇയാൾ പൊലീസിനെ ആക്രമിക്കുകയായിരുന്നു. താക്കോൽ കൊണ്ട് കുത്തി പൊലീസുകാരുടെ കൈയ്ക്ക് പ്രതി പരിക്കേൽപിക്കുകയായിരുന്നുവെന്നാണ് വിവരം. കണ്ണൂർ സ്വദേശി ഷംസാദ് ആണ് പൊലീസിനെ ആക്രമിച്ചത്. ഇയാൾ ഒരു മാസമായി ഒളിവിലായിരുന്നുവെന്ന് പൊലീസ് പറഞ്ഞു.
