ശാസ്ത്രം ജന നന്മക്ക് ശാസ്ത്രം നവ കേരളത്തിന് എന്ന മുദ്രാവാക്യവുമായി കേരള ശാസ്ത്ര സാഹിത്യ പരിഷത്ത് സംഘടിപ്പിക്കുന്ന കേരള പദയാത്ര ജനുവരി 26 മുതൽ ഫെബ്രുവരി 28 വരെ കാസർകോട് മുതൽ തിരുവനന്തപുരം വരെ നടക്കുകയാണ്. ഡോ.ടി.എം. തോമസ് ഐസക്ക് ആദ്യ ദിന ജാഥ ക്യാപ്റ്റനാകുന്ന കേരള പദയാത്രയുടെയും അനുബന്ധ പദയാത്രയുടെയും കലാ ജാഥയുടെയും കണ്ണൂർ ജില്ലാതല സംഘാടക സമിതിയുടെ ഓഫീസ് വ്യാഴാഴ്ച വൈകീട്ട് 5 ന് തളാപ്പ് പരിഷദ് ഭവനിൽ ഉദ്ഘാടനം ചെയ്യും. സംഘാടകസമിതി ചെയർമാൻ ഡോ.വി. ശിവദാസൻ എം.പിയുടെ അധ്യക്ഷതയിൽ രാമചന്ദ്രൻ കടന്നപ്പള്ളി എം.എൽ.എ ഉദ്ഘാടനം നിർവഹിക്കും.
