‘നിര്‍ത്തിയിട്ട കാറിന്റെ ബമ്പറില്‍ കടിച്ചു’; തെരുവ് നായയുടെ കണ്ണ് അടിച്ചു പൊട്ടിച്ച കെഎസ്ഇബി ഡ്രൈവര്‍ അറസ്റ്റില്‍

ഇരുമ്പ് വടികൊണ്ട് തെരുവ് നായുടെ കണ്ണ് അടിച്ചുപൊട്ടിച്ച കെഎസ്ഇബി ഡ്രൈവർ അറസ്റ്റിൽ. കാ​റി​ന്റെ ബ​മ്പ​റി​ൽ ക​ടി​ച്ച​തി​നെ തു​ട​ർ​ന്നാണ് ക​ഴി​ഞ്ഞ ചൊ​വ്വാ​ഴ്ച രാ​ത്രി പ​ട്ടം വൈ​ദ്യു​തി ഭ​വ​നി​ൽ കെ.​എ​സ്.​ഇ.​ബി ഡ്രൈ​വ​റായ മു​ര​ളി​ തെ​രു​വ് നാ​യയു​ടെ ക​ണ്ണ് അ​ടി​ച്ചു​പൊ​ട്ടി​ച്ചത്. സംഭവത്തിൽ പീ​പ്പിൾ ഫോ​ർ അ​നി​മ​ൽ​സ് ന​ൽ​കി​യ പ​രാ​തി​യി​ൽ മു​ര​ളി​യെ മെ​ഡി​ക്ക​ൽ കോ​ള​ജ് പൊ​ലീ​സ് അ​റ​സ്റ്റ് ചെ​യ്തു.പാ​ർ​ക്കി​ങ് ഏ​രി​യ​യി​ലുള്ള കാ​റു​ക​ളു​ടെ ബ​മ്പ​റിൽ ക​ടി​ച്ച​തി​നെ തു​ട​ർ​ന്നാ​ണ് മുരളി നായയെ ക്രൂ​ര​മാ​യി ഉ​പ​ദ്ര​വി​ച്ച​ത്. ക​ണ്ടു​നി​ന്ന​വ​ർ നാ​യയെ അ​ടി​ക്ക​രു​തെ​ന്ന് പ​റ​ഞ്ഞുവെങ്കിലും മു​ര​ളി ഉ​പ​ദ്ര​വം തു​ട​രു​ക​യാ​യി​രു​ന്നു. ഇയാൾ നായ​യെ അ​ടി​ക്കു​ന്ന സിസിടിവി ദൃ​ശ്യ​ങ്ങ​ളും പ്രചരിച്ചിരുന്നു. പീ​പ്പിൾ ഫോ​ർ അ​നി​മ​ൽ​സ് ഭാ​ര​വാ​ഹി​ക​ൾ എ​ത്തി​യ​പ്പോ​ൾ ത​ല പൊട്ടി അ​വ​ശ​നാ​യ നി​ല​യി​ലാ​യി​രു​ന്നു നാ​യ. ഉ​ട​നെ ആ​ശു​പ​ത്രി​യി​ലെ​ത്തി​ച്ച നായയുടെ ത​ല​ച്ചോ​റി​ന് ക്ഷ​ത​മേ​റ്റ​തി​നെ തു​ട​ർ​ന്ന് ഇ​ട​ത് ക​ണ്ണ് ശ​സ്ത്ര​ക്രി​യ ചെ​യ്ത് മാ​റ്റി. അടിയന്തിര ചി​കി​ത്സ​ക്ക്​ ശേ​ഷം നായയെ പീ​പ്പിൾ ഫോ​ർ അ​നി​മ​ൽ​സിന്റെ ഷെ​ൽ​റ്റ​റി​ലേ​ക്ക് മാ​റ്റി.പീ​പ്പിൾ ഫോ​ർ അ​നി​മ​ൽ​സ് ന​ൽ​കി​യ പ​രാ​തി​യി​ൽ അ​റ​സ്റ്റ് ചെയ്ത മു​ര​ളി​യെ പി​ന്നീ​ട് ജാ​മ്യ​ത്തി​ൽ വി​ട്ട​യ​ച്ചു. കെഎ​സ്​ഇബി​യി​ൽ വ​ർ​ഷ​ങ്ങ​ളാ​യി ക​രാ​റ​ടി​സ്ഥാ​ന​ത്തി​ൽ ഡ്രൈ​വ​റാ​യി ജോ​ലി ചെ​യ്യു​ന്ന​യാ​ളാ​ണ്​ മു​ര​ളി. എന്നാൽ സംഭവത്തെത്തുടർന്ന് മു​ര​ളി​യെ ജോ​ലി​യി​ൽ​നി​ന്ന് പി​രി​ച്ചു​വി​ട്ട​താ​യി കെഎ​സ്​ഇബി അ​റി​യി​ച്ചു.