സംസ്ഥാന യുവജന കമ്മീഷൻ ചെയർമാനായി എം ഷാജർ ചുമതലയേറ്റു. രണ്ടു ടേം പൂർത്തിയാക്കി ചിന്ത ജെറോം സ്ഥാനമൊഴിഞ്ഞ സാഹചര്യത്തിലാണ് ഷാജർ ചുമതലയേറ്റത്.സിപിഎം കണ്ണൂർ ജില്ലാ കമ്മിറ്റിയംഗവും ഡിവൈഎഫ്‌ഐ കേന്ദ്ര കമ്മിറ്റിയംഗവും സംസ്ഥാന ജോ. സെക്രട്ടറിയുമാണ്‌ ഷാജർ. എസ്‌എഫ്‌ഐ കേന്ദ്രകമ്മിറ്റിയംഗം, സംസ്ഥാന ജോ. സെക്രട്ടറി, കണ്ണൂർ ജില്ലാ സെക്രട്ടറി, കണ്ണൂർ സർവകലാശാല യൂണിയൻ ചെയർമാൻ എന്നീ സ്ഥാനങ്ങളും വഹിച്ചിട്ടുണ്ട്.
പുതിയ ഉത്തരവാദിത്വം പ്രാധാന്യം അർഹിക്കുന്നതാണെന്നും വിവേചനമില്ലാതെ നീതി പൂർവ്വമായി മുന്നോട്ട് പോകുമെന്നും എം ഷാജർ പറഞ്ഞു. കേളോത്ത്‌ മുഹമ്മദ്‌ കുഞ്ഞിയുടെയും ഹാജിറയുടെയും മകനാണ്‌. ഭാര്യ: ഹസീന. മക്കൾ: അയാൻ ഹാദി, അയ്‌റ എമിൻ.
