മട്ടന്നൂര്‍: മോഷണം നടത്തി ഒളിവില്‍ പോയ വ്യക്തി ഏഴുവര്‍ഷത്തിനുശേഷം മട്ടന്നൂര്‍ പൊലീസിന്റെ പിടിയില്‍. വെളിയമ്പ്രയില്‍ നിന്ന് 10 ക്വിന്റല്‍ റബര്‍ ഷീറ്റ് മോഷ്ടിച്ച തിരുവമ്പാടി സ്വദേശി അഷ്‌റഫിനെയാണ് മലപ്പുറത്തുവെച്ച് മട്ടന്നൂര്‍ പൊലീസ് പിടികൂടിയത്.
സി.ഐ എം. കൃഷ്ണന് ലഭിച്ച രഹസ്യ വിവരത്തിന്റെ അടിസ്ഥാനത്തില്‍ എ.എസ്.ഐ ഷമീര്‍, സി.പി.ഒമാരായ രഞ്ജിത്ത്, വിനോദ് എന്നിവരാണ് അഷറഫിനെ പിടികൂടിയത്. ഇയാള്‍ നിരവധി മോഷണ കേസുകളിൽ പ്രതിയാണെന്ന് പൊലീസ് പറഞ്ഞു.
