കണ്ണൂർ യൂണിവേഴ്സിറ്റി മാധ്യമ പഠന വിഭാഗം നടത്തുന്ന അഡ് ആസ്ട്രാ നാഷണൽ മീഡിയ ഫെസ്റ്റിന്‍റെ ലോഗോ പ്രകാശനം ചലച്ചിത്ര താരവും ചലച്ചിത്ര അക്കാദമി വൈസ് ചെയർമാനുമായ പ്രേംകുമാർ നിർവഹിച്ചു. തളിപ്പറമ്പിൽ നടന്ന ചടങ്ങിൽ അഡ്ആസ്ട്രാ കോർഡിനേർ മിദിലാജ് ലോഗോ കൈമാറി.
രണ്ട് ദിവസങ്ങളിൽ നീണ്ടു നിൽക്കുന്ന അഡ് ആസ്ട്രാ മീഡിയ ഫെസ്റ്റിൽ പ്രമുഖ മാധ്യമപ്രവർത്തകർ പങ്കെടുക്കും. കൂടാതെ മാധ്യമ വിദ്യാർത്ഥികൾക്കായി വിവിധ മത്സരങ്ങളും ഫെസ്റ്റിൽ ഒരുക്കും. ഫെബ്രുവരി മാസം അവസാന വാരത്തോടെ അഡ് ആസ്ട്രാ മീഡിയ ഫെസ്റ്റിവലിന് തിരിതെളിയും.
