തോമസ് ചാഴിക്കാടന്‍ എംപിയുടെ വീട്ടില്‍ മോഷണ ശ്രമം. മേഷ്ടാവ് വീടിന്റെ ജനല്‍ ചില്ലുകള്‍ അടിച്ചു തകര്‍ത്തു. വ്യാഴാഴ്ച്ച പുലര്‍ച്ചെയായിരുന്നു സംഭവം. വീടിന്റെ ജനല്‍ചില്ലുകള്‍ തകര്‍ന്നു വീഴുന്നതിന്റെ ശബ്ദം കേട്ട് എംപിയുടെ ഭാര്യ ആന്‍ തോമസ് ഉണര്‍ന്നപ്പോഴാണ് മോഷണ ശ്രമം ശ്രദ്ധയില്‍പ്പെട്ടത്. തുടര്‍ന്ന് ബഹളം വെച്ചതോടെ മോഷ്ടാവ് ഓടിരക്ഷപ്പെട്ടു. വീട്ടില്‍ നിന്നും ഒന്നും നഷ്ടപ്പെട്ടിട്ടില്ല. ഡോഗ് സ്‌ക്വാഡ് വിദഗ്ധര്‍ സ്ഥലത്തെത്തി പരിശോധന നടത്തി. ഗാന്ധി നഗര്‍ പൊലീസ് സംഭവത്തില്‍ കേസെടുത്ത് അന്വേഷണം ആരംഭിച്ചു. എംപിയുടെ വീട്ടില്‍ സിസിടിവിയില്ല. സമീപ പ്രദേശത്തെ സിസിടിവി ദൃശ്യങ്ങളുപയോഗിച്ചാണ് അന്വേഷണം.പാന്റും ഷര്‍ട്ടും ഇട്ടയാളാണ് ഓടി മറഞ്ഞത്. സമീപത്ത് താമസിക്കുന്ന ബന്ധുക്കള്‍ ഉടന്‍ പുറത്തിറങ്ങി ചുറ്റുപാടും പരിശോധന നടത്തിയെങ്കിലും ആളെ കണ്ടെത്താനായില്ല.
