കണ്ണൂർ : പ്രധാനമന്ത്രി നരേന്ദ്ര മോഡിയുടെ ജന്മദിനത്തിൽ തെയ്യം കലാകാരൻ നൽകിയ ആശംസ വിഡിയോ പ്രധാനമന്ത്രി നരേന്ദ്ര മോദി തൻ്റെ ട്വീറ്റർ അക്കൗണ്ടിലൂടെ പങ്കുവെച്ചു.കണ്ണൂരിലെ പ്രമുഖ തെയ്യം കലാകാരനായ വിനോദ് പണിക്കരുടെ വിഡിയോയാണ് പ്രധാനമന്ത്രി ട്വിറ്ററിൽ പങ്ക് വെച്ചത് . “എക് ഭാരത് ശ്രേഷ്ഠ ഭാരത്” എന്നതിൽ തെയ്യത്തിൻ്റെ പ്രാധാന്യം അദ്ദേഹം ട്വീറ്റിൽ കൂടി വ്യക്തമാക്കി .
വടക്കെ മലബാറുകാരുടെ പ്രധാന അനുഷ്ഠാന ആചാരമായ തെയ്യത്തിന് ദേശിയ തലത്തിൽ ശ്രദ്ധ കിട്ടുന്ന കാര്യമാണ്.നിരവധി തെയ്യങ്ങളെ തിരുമുറ്റത്ത് എത്തിച്ച വിനോദ് പണിക്കർ കണ്ണൂർ എടചൊവ്വ സ്വദേശിയാണ്. ജിത്തു കൃഷ്ണയാണ് വിഡിയോ പകർത്തിയത്.
