പയ്യന്നൂർ നഗരത്തിലെ രണ്ടിടങ്ങളിൽ കടകൾ കുത്തിത്തുറന്ന് മോഷണം. ഇന്ന് പുലർച്ചെ 2. 30 ഓടുകൂടിയാണ് മോഷണം .പയ്യന്നൂർ പഴയ ബസ് സ്റ്റാൻഡ് പരിസരത്തെ റോയൽ സിറ്റി കോംപ്ലക്സിലെ സ്കൈപ്പർ സൂപ്പർമാർക്കറ്റിലും, പെരുമ്പയിലെ മാധവി സ്റ്റുഡിയോയിലുമാണ് മോഷണം നടന്നത്. സ്കൈപ്പർ സൂപ്പർമാർക്കറ്റിലെ എക്സ്ഹോസ്റ്റ് ഫാൻ ഇളക്കിമാറ്റിയ നിലയിലാണ്.ഇവിടെ നിന്ന് ഏകദേശം രണ്ട് ലക്ഷം രൂപയോളം കളവു പോയതായി പറയപ്പെടുന്നു. ഈയിടെ സമാനമായ രീതിയിൽ ഇവിടെ മോഷണം നടന്നിരുന്നു . അന്ന് നാല്പത്തി അയ്യായിരത്തോളം രൂപ കളവു പോയിരുന്നു.പയ്യന്നൂർ പോലീസും ഫോറൻസിക് വിദഗ്ദ്ധരും സംഭവസ്ഥലത്തെത്തി.
