എം.എസ്.എഫ് – കെ.എം.സി.സി അബുദാബി തലശ്ശേരി നിയോജക മണ്ഡലം കമ്മിറ്റികൾ സംയുക്തമായി തലശ്ശേരിയിൽ എസ്.എസ്.എൽ.സി പരീക്ഷയിൽ മുഴുവൻ വിഷയങ്ങളിലും എ പ്ലസ് കരസ്ഥമാക്കിയ വിദ്യാർത്ഥികൾക്ക് സീതി സാഹിബ് എക്സലൻസ് അവാർഡ് നൽകി ആദരിച്ചു. എം.എസ്.എഫ് മണ്ഡലം പ്രസിഡൻറ് മുഹമ്മദ് സാഹിദിന്‍റെ അധ്യക്ഷതയിൽ മുസ്ലിം യൂത്ത് ലീഗ് അഖിലേന്ത്യ വൈസ് പ്രസിഡൻറ് ശിബൂ മീരാൻ ഉദ്ഘാടനം ചെയ്തു. മുസ്ലിം ലീഗ് തലശ്ശേരി മണ്ഡലം പ്രസിഡൻറ് ബഷീർ ചെറിയാണ്ടി മുഖ്യപ്രഭാഷണം നടത്തി. മുസ്ലിം ലീഗ് മണ്ഡലം വൈസ് പ്രസിഡൻറ് അസീസ് വടക്കുമ്പാട്, മുസ്ലിം യൂത്ത് ലീഗ് ജില്ലാ സെക്രട്ടറി തസ്‌ലീം ചേറ്റംകുന്ന്, മണ്ഡലം ജനറൽ സെക്രട്ടറി തഫ്ലീ മാണിയാട്ട്, എം.എസ്.എഫ് ജില്ലാ ഉപാധ്യക്ഷൻ ഷഹബാസ് കായ്യത്ത് എന്നിവർ സംസാരിച്ചു. ജില്ലാ കലോത്സവത്തിൽ കോൽക്കളിയിൽ ഫസ്റ്റ് നേടിയ മുബാറക്ക് സ്കൂളിലെ വിദ്യാർത്ഥികളെയും കേരള സർക്കാർ വനിതാ ശിശു വികസന വകുപ്പ് വ്യത്യസ്ത മേഖലകളിൽ കഴിവു തെളിയിച്ച വിദ്യാർത്ഥികൾക്ക് സമ്മാനിക്കുന്ന ” ഉജ്ജ്വല ബാല്യം ” അവാർഡിന് അർഹനായ മുഹമ്മദ് അമാൻ എന്ന വിദ്യാർത്ഥിയെയും ചടങ്ങിൽ ആദരിച്ചു. എം.എസ്.എഫ് മണ്ഡലം സെക്രട്ടറി സഫ്വാൻ മേക്കുന്ന് സ്വാഗതവും മണ്ഡലം ട്രഷറർ മാസിൻ കായ്യത്ത് നന്ദിയും പറഞ്ഞു.
