സ്‌കൂട്ടര്‍ യാത്രക്കാരിക്ക് നേരെ തെരുവുനായയുടെ ആക്രമണം. സ്‌കൂട്ടറില്‍ നിന്ന് വീണ യുവതിയുടെ തലയ്ക്ക് പരുക്കേറ്റു. തിപ്പിലശേരി മേഴത്തൂര്‍ സ്വദേശിനി ഷൈനിക്ക് നേരെയായിരുന്നു തെരുവുനായയുടെ ആക്രമണം. യുവതിയെ തൃശൂരിലെ സ്വകാര്യ ആശുപത്രിയില്‍ പ്രവേശിപ്പിച്ചിരിക്കുകയാണ്.
ഭര്‍ത്താവിനൊപ്പം സ്‌കൂട്ടറില്‍ സഞ്ചരിക്കവെയായിരുന്നു സംഭവം. വാഹനത്തിന് പിന്നാലെ ഓടിയ നായ ആക്രമിക്കാന്‍ ശ്രമിക്കുകയായിരുന്നു. നായയെ ബാഗ് ഉപയോഗിച്ച് ചെറുക്കാനുള്ള ശ്രമത്തിനിടെയാണ് ഷൈനി ബൈക്കില്‍ നിന്ന് താഴെ വീണത്. പരുക്കേറ്റ ഷൈനിയെ ഉടന്‍ തന്നെ ആശുപത്രിയില്‍ എത്തിച്ചു.
