തലശ്ശേരിയിൽ 100 ഗ്രാം ബ്രൗൺ ഷുഗറും 50 ഗ്രാം കറുപ്പുമായി മൂന്നു പേർ പിടിയിൽ. വെള്ളിയാഴ്ച രാവിലെ 8.30 ഓടെയാണ് തലശ്ശേരി റെയിൽവേ എയ്ഡ് പോസ്റ്റിൽ നടത്തിയ പരിശോധനയിലാണ് തലശ്ശേരി സ്വദേശി യൂനിസ് (32) , ഭാര്യ റഷീദ , എടക്കാട് സ്വദേശി സുജീഷ് (33) എന്നിവർ പിടിയിലായത്.
പ്രിൻസിപ്പൽ എസ്.ഐ സി. ജയനും എ.എസ്.പിയുടെ സ്പെഷ്യൽ സംഘവും ലഹരി വിരുദ്ധ സേനയുമാണ് രഹസ്യ വിവരം ല ഭിച്ചതിന്‍റെ അടിസ്ഥാനത്തിൽ പരിശോധന നടത്തിയത്. പരിശോധനയ്ക്കിടെ റഷീദ ബോധരഹിതയായിനെ തുടർന്ന് ജനറൽ ആശുപത്രിയിൽ പ്രവേശിപ്പിച്ചു. യൂനിസിന്‍റെയും സുജീഷിന്‍റെയും ബാഗിൽ നിന്നാണ് ലഹരി മരുന്ന് പിടികൂടിയത്. റഷീദയിൽ നിന്ന് 50,000 രൂപയും പിടിച്ചെടുത്തു. വൈകിട്ടോടെ പ്രതികളെ കോടതിയിൽ ഹാജരാക്കി. ലഹരി വിപണനവുമായി പ്രതികൾക്ക് ബന്ധമുണ്ടെന്ന് പൊലിസ് പറഞ്ഞു.
