പിണറായി: സിനിമാതാരം ടൊവിനോ തോമസ് ഇന്ന് (ഏപ്രിൽ 11) പിണറായിപ്പെരുമ വേദിയിലെത്തും. വൈകീട്ട് ഏഴിന് പെരുമ സർഗോത്സവത്തിന്റെ പ്രത്യേകം തയാറാക്കിയ തുറന്ന വേദിയിൽ ടൊവിനോ കാണികളെ അഭിസംബോധന ചെയ്യും. തുടർന്ന് പിന്നണി ഗായകൻ ബിജു നാരായണൻ നയിക്കുന്ന ഗാനമേള അരങ്ങേറും. ജനപ്രിയ ഗായകരായ രാജലക്ഷ്മി, നസീർ മിന്നലെ, ലൗലി ജനാർദനൻ, ജാനകി നായർ, വിഷ്ണുവർധൻ, സരിത റാം എന്നിവരും ഗാനമേളയുടെ ഭാഗമാകും. ഗാനമേളക്ക് ശേഷം ചലച്ചിത്ര പ്രദർശനവും ഉണ്ടാകും.
