ഇരിട്ടി ഉളിയിൽ കുന്നിൻ കീഴിൽ കാറും ബൈക്കും അപകടത്തിൽ പെട്ട് യുവാവ് മരിച്ചു .മട്ടന്നൂർ കീച്ചേരിയിലെ ഷൈനി നിവാസിൽ ഷിബിൻ കുമാർ (32) ആണ് മരിച്ചത് . ബൈക്ക് ഓടിച്ചിരുന്ന പുന്നാട് സ്വദേശി ഷിനോജിനെ പരിക്കുകളോടെ മട്ടന്നൂർ സ്വകാര്യാശുപത്രിയിൽ പ്രവേശിപ്പിച്ചു.
ശനിയാഴ്ച്ച രാത്രി 8.45 ഓടെയാണ് അപകടം. ഇരിട്ടി ഭാഗത്തു നിന്നും മട്ടന്നൂരിലേക്ക് പോകുകയായിരുന്ന ബൈക്കിന്റെ പിറകിൽ കാർ ഇടിച്ചുതീർപ്പിക്കുകയും എതിരെ ഇരിട്ടിയിലേക്ക് പോവുകയായിരുന്ന മറ്റൊരു കാർ ബൈക്ക് യാത്രികന്റെ ദേഹത്തിലൂടെ കയറി ഇറങ്ങുകയുമായിരുന്നു .സാരമായി പരിക്കേറ്റ ഷിബിനെ മട്ടന്നൂർ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല . ഗോവിന്ദൻ – ലളിത ദമ്പതികളുടെ മകനാണ്. ഭാര്യ: ഷീന. ഏകമകൾ: ധ്വനി. സഹോദരങ്ങൾ: ഷിനോജ്, ഷൈനി.
