യുവനടന്‍ ശരത് ചന്ദ്രനെ മരിച്ച നിലയില്‍ കണ്ടെത്തി. 37 വയസ്സായിരുന്നു. അങ്കമാലി ഡയറീസ് സിനിമയിലൂടെയാണ് ശരത് ശ്രദ്ധേയനായത്. പിറവം കക്കാട്ട് ഊട്ടോളില്‍ ചന്ദ്രന്റെയും ലീലയുടെയും മകനാണ് ശരത്. സഹോദരന്‍: ശ്യാം ചന്ദ്രന്‍.
ആന്‍റണി വര്ഗീസ് ഉള്‍പ്പെടെ പുതുമുഖങ്ങളെ അണിനിരത്തി ലിജോ ജോസ് പെല്ലിശ്ശേരി സംവിധാനം ചെയ്ത ചിത്രമായിരുന്നു അങ്കമാലി ഡയറീസ്. സിനിമയില്‍ ആന്‍റണി വര്ഗീസ് അവതരിപ്പിച്ച പെപ്പെ എന്ന നായക കഥാപാത്രവുമായുള്ള ഒരുസംഘട്ടന രംഗത്തില്‍ ശരത് ചന്ദ്രന്‍ അഭിനയിച്ചിരുന്നു. ഒരു മെക്സിക്കന്‍ അപാരത, സിഐഎ കൊമ്രേഡ് ഇന്‍ അമേരിക്ക, കൂടെ എന്നിവയാണ് ശരത് അഭിനയിച്ച മറ്റു ചിത്രങ്ങള്‍.
ആന്‍റണി വര്ഗീസ് അടക്കമുള്ള സിനിമയിലെ അണിയറ പ്രവര്‍ത്തകര്‍ സമൂഹമാധ്യമങ്ങളിലൂടെ ശരത്തിന് ആദരാജ്ഞലികള്‍ അര്‍പ്പിച്ചു.
