കേരള കര്‍ഷക തൊഴിലാളി ക്ഷേമനിധി അംഗങ്ങളുടെ മക്കള്‍ക്കുള്ള വിദ്യാഭ്യസ അവാര്‍ഡിന് അപേക്ഷ ക്ഷണിച്ചു. സര്‍ക്കാര്‍/ എയ്ഡഡ് സ്‌കൂളുകളില്‍ പഠിച്ച് 2024 മാര്‍ച്ചില്‍ നടന്ന എസ് എസ് എല്‍ സി/ടി എച്ച് എസ് എല്‍ സി പരീക്ഷയില്‍ 75 ശതമാനവും പ്ലസ്ടു/ വിഎച്ച് എസ് ഇ പരീക്ഷയില്‍ 85 ശതമാനവും മാര്‍ക്ക് നേടി ആദ്യ അവസരം തന്നെ വിജയിച്ച വിദ്യാര്‍ഥികളുടെ മാതാപിതാക്കള്‍ക്ക് അപേക്ഷിക്കാം.
എസ് സി/ എസ് ടി വിഭാഗക്കാര്‍ക്ക് എസ് എസ് എല്‍ സി/ടി എച്ച് എസ് എല്‍ സി പരീക്ഷയില്‍ 70 ശതമാനവും പ്ലസ്ടു/ വിഎച്ച് എസ് ഇ പരീക്ഷയില്‍ 80 ശതമാനവും മാര്‍ക്ക് മതി. ജൂലൈ 31 വരെ ജില്ലാ കര്‍ഷക തൊഴിലാളി ക്ഷേമനിധി ബോര്‍ഡ് ഓഫീസില്‍ ആവശ്യമായ രേഖകള്‍ സഹിതം അപേക്ഷ സമര്‍പ്പിക്കാം. അപേക്ഷാ ഫോറം www.agriworkersfund.org ല്‍ ലഭിക്കും. ഫോണ്‍: 0497 2712549.
