കണ്ണൂര്‍: പാചകവാതകവിലവര്‍ധനവിനെതിരെ കോണ്‍ഗ്രസ് നടത്തുന്ന രാജ്യവ്യാപക പ്രക്ഷോഭത്തിന്റെ ഭാഗമായി മാർച്ച് 31ന് ജില്ലയില്‍ വിവിധ കേന്ദ്രങ്ങളില്‍ ധര്‍ണാസമരം നടക്കുമെന്ന് ഡിസിസി പ്രസിഡന്റ് അഡ്വ. മാര്‍ട്ടിന്‍ ജോര്‍ജ്ജ് അറിയിച്ചു.31ന് രാവിലെ 11 മണിക്ക് ബൂത്തടിസ്ഥാനത്തിലാണ് പ്രതിഷേധ പരിപാടി നടക്കുക. കോണ്‍ഗ്രസ് നേതാക്കള്‍ അവരവരുടെ ബൂത്തുകളിലെ പ്രതിഷേധ പരിപാടിയില്‍ പങ്കെടുക്കും. സാധാരണക്കാരുടെ ജീവിതത്തെ ദുരിതപൂര്‍ണമാക്കുന്ന, പാവപ്പെട്ടവര്‍ക്കു മേല്‍ വിലക്കയറ്റം അടിച്ചേല്‍പ്പിക്കുന്ന മോദി സര്‍ക്കാരിന്റെ നയപരിപാടികള്‍ക്കെതിരെ ഓരോ കുടുംബത്തില്‍ നിന്നുമുയരുന്ന രോഷമായി കോണ്‍ഗ്രസ് നടത്തുന്ന പ്രക്ഷോഭം മാറുമെന്ന് അഡ്വ. മാര്‍ട്ടിന്‍ ജോര്‍ജ്ജ് പറഞ്ഞു.പ്രക്ഷോഭത്തിന്റെ രണ്ടാം ഘട്ടമായി ഏപ്രില്‍ നാലിന് കണ്ണൂരില്‍ മാര്‍ച്ചും ധര്‍ണയും നടക്കുമെന്ന് ഡിസിസി പ്രസിഡന്റ് അറിയിച്ചു.
