കണ്ണൂരിൽ മലയോരത്ത് വൻ ഉരുൾ പൊട്ടൽ. നെടുംപൊയിൽ മേഖലയിൽ വെള്ളം കയറി.പേരാവൂർ മേലെ വെള്ളറ എസ് ടി കോളനിയിൽ വീട് തകർന്ന് ഒരാളെ കാണാതായി.നെടുംപുറംചാലിൽ ഒഴുക്കിൽ പെട്ട 2 സ്ത്രീകളെ ഫയർഫോഴ്സ് രക്ഷപ്പെടുത്തി. ഒരു കുട്ടിയെ കാണാതായി. നിരവധി കുടുംബങ്ങളെ മാറ്റിപ്പാർപ്പിച്ചു.
കണിച്ചാർ പഞ്ചായത്തിൽ ഏലപ്പീടികയിൽ ഉരുൾപൊട്ടൽ ഉണ്ടായതിനെ തുടർന്ന് 4 കുടുംബങ്ങളെ മാറ്റിപ്പാർപ്പിച്ചു .കേളകം പഞ്ചായത്തിൽ മണ്ണിടിച്ചിൽ ഉണ്ടായതിനെ തുടർന്ന് 2 കുടുംബങ്ങളെ മാറ്റിപ്പാർപ്പിച്ചു.
കണ്ണൂര്‍ കണ്ണവം വനത്തിനുള്ളില്‍ ഉരുള്‍പൊട്ടി.നെടുംപൊയില്‍ ടൗണില്‍ മലവെള്ളം ഒലിച്ചിറങ്ങി.വാഹന ഗതാഗതം തടസപ്പെട്ടു.കാഞ്ഞിരപ്പുഴയും നെല്ലാനിക്കല്‍ പുഴയും കരകവിഞ്ഞൊഴുകുകയാണ്.തീരപ്രദേശത്തുള്ളവരോട് ജാഗ്രത പാലിക്കാന്‍ അധികൃതര്‍ നിര്‍ദേശിച്ചു.
