കൊച്ചി-മുസിരിസ് ബിനാലെ സന്ദർശിച്ച് ക്യൂബൻ വിപ്ലവ നേതാവ് ചെ ഗുവേരയുടെ കൊച്ചുമകളും മകളും. ആയുർവേദ ചികിത്സയ്ക്കും മറ്റുമായി എത്തിയ അലൈഡ ഗുവേരയ്ക്കൊപ്പം ചെറുമകൾ എസ്റ്റഫാനിയ ഗുവേര ബിനാലെ കാഴ്ചകൾ ആസ്വദിച്ചു. ക്യൂബയിലെ ഹവാന യൂണിവേഴ്സിറ്റിയിലെ സാമ്പത്തിക ശാസ്ത്രം പ്രൊഫസറാണ് എസ്റ്റഫാനിയ ഗുവേര. രാജ്യാന്തര കലാവേദികളിലൊക്കെ സന്ദര്‍ശകയായ എസ്റ്റഫാനിയ ഇതാദ്യമായാണ് കൊച്ചി ബിനാലെയിലേക്ക് എത്തുന്നത്.
“ഇവിടെയായിരിക്കുമ്പോൾ ജന്മനാട്ടിലെന്നപോലെയാണ്. ക്യൂബയെപ്പോലെയാണ്‌ എനിക്ക്‌ ഇന്ത്യ’–- വിവിധ വേദികളിലെ കലാപ്രദർശനങ്ങൾ ആസ്വദിച്ചശേഷം പ്രൊഫ. എസ്‌തഫാനിയ ഗുവേര പറഞ്ഞു.
