ജൂനിയർ ചേംബർ ഇന്റർനാഷണൽ സോൺ പത്തൊമ്പതിന്റെ അർദ്ധവാർഷിക കുടുബ സമ്മേളനം ആമോദം കണ്ണൂർ ചാല ഹിൽസ് ലെ സാധു മെറി കിങ്ഡം വാട്ടർ തീം പാർക്കിൽ വച്ച് നടന്നു. ജെ സി ഐ സെനറ്റർ ഡോക്റ്റർ നിതാന്ത് ബാലശ്യാമിന്റെ അധ്യക്ഷതയിൽ ജെ സി ഐ മുൻ വേൾഡ് പ്രസിഡന്റ് ജെ സി ഷൈൻ ടി ഭാസ്കരൻ മുഖ്യാതിഥിയായ ചടങ്ങ് കണ്ണൂർ കോർപറേഷൻ മേയർ അഡ്വക്കേറ്റ് ടി ഓ മോഹനൻ ഉദ്ഘടാനം നിർവഹിച്ചു. ചടങ്ങിൽ ജൂനിയർ ചേംബർ ഇന്റർനാഷണൽ സോൺ പത്തൊമ്പതിന്റെ മേഖല പ്രസിഡന്റ് ജെ സി സമീർ കെ ടി വിശിഷ്ടാതിഥി ആയി പങ്കെടുത്തു , മുൻ മേഖല അധ്യക്ഷൻ ജെ സി സജിത്ത് കുമാർ വി കെ , ജെ സി നിജിൽ നാരായണൻ , ജെ സി ഡോക്ടർ ഹരിവിശ്വജിത് ജെസി ജോബിൻ എന്നിവർ സംസാരിച്ചു . മികച്ച ജീവകാരുണ്യ പ്രവർത്തകനുള്ള ജെ സി ഐ സോൺ പത്തൊമ്പതിന്റെ ഹ്യുമാനിറ്റേറിയൻ അവാർഡിന് ശ്രീ മുട്ടുംതല ഇബ്രാഹിം ഹാജിക്ക് നൽകി ആദരിച്ചു . 2022 വർഷത്തിന്റെ ആദ്യപകുതിയിൽ മികച്ച പരിപാടികൾ സംഘടിപ്പിച്ച ലോക്കൽ ഓർഗനൈസേഷനുകൾക്കുള്ള വിവിധ പുരസ്‌കാരങ്ങൾ വേദിയിൽ വച്ച് കൈമാറി. ചാനൽ റിയാലിറ്റി ഷോ അവതാരകരും ഗായകരും അണിനിരന്ന സംഗീത നൃത്ത പരിപാടികൾ നിറഞ്ഞ സമ്മേളനത്തിൽ കണ്ണൂർ , കാസറഗോഡ് , വയനാട് ജില്ലകളിൽ നിന്നുള്ള ആയിരത്തിലേറെ ജെ സി ഐ പ്രവർത്തകർ പങ്കെടുത്തു .
