കണ്ണൂർ: കണ്ണൂർ കോലത്ത് വയൽ നിന്നും കണ്ണൂരിലേക്ക് വരികയായിരുന്ന മായാ ബസ്സ് ഓടിക്കൊണ്ടിരിക്കെ കത്തിനശിച്ചു. പൊടിക്കുണ്ട് മിൽമയ്ക്ക് അടുത്തുവച്ചായിരുന്നു അപകടം .ഗിയർബോക്സിൽ നിന്നാണ് തീ പടർന്നതെന്ന് ദൃക്സാക്ഷികൾ പറഞ്ഞു. ഡ്രൈവർ ഉടൻ തന്നെ നിർത്തി യാത്രക്കാർ ഇറങ്ങി ഓടിയതിനാൽ ആർക്കും പരിക്കില്ല. ബസ് പൂർണമായും കത്തി നശിച്ചിട്ടുണ്ട് . കണ്ണൂരിൽ നിന്നും ഫയർഫോഴ്സ് എത്തി തീ അണച്ചു .
