പഴയങ്ങാടി : നവമാധ്യമത്തിലൂടെ പരിചയപ്പെട്ട് വീട്ടിലെത്തി പതിനേഴുകാരികളായ രണ്ട് പെൺകുട്ടികളെ പീഡിപ്പിച്ച കേസിൽ രണ്ട് യുവാക്കൾ അറസ്റ്റിൽ. ധർമശാലയിലെ പുത്തൻവീട്ടിൽ റെജിൽ (21), നണിയൂർനമ്പ്രത്തെ കെ.അരുൺ (20) എന്നിവരെയാണ് പഴയങ്ങാടി സ്റ്റേഷൻ ഇൻസ്പെക്ടർ ടി.എൻ.സന്തോഷ് അറസ്റ്റുചെയ്തത്.
സുഹൃത്തുക്കളായ ഇരുവരും പഴയങ്ങാടി സ്റ്റേഷൻ പരിധിയിലെ വീട്ടിൽ ഓണത്തലേന്ന് രാത്രിയിലെത്തി പീഡിപ്പിക്കുകയായിരുന്നുവെന്ന് പോലീസ് പറഞ്ഞു. ഇൻസ്റ്റാഗ്രാം വഴിയാണ് ഇവർ പെൺകുട്ടികളുമായി ബന്ധം സ്ഥാപിക്കുന്നത്. പ്രായപൂർത്തിയാകാത്ത പെൺകുട്ടികളെ പീഡിപ്പിച്ചതിനാണ് പോക്സോ കേസ് പ്രകാരം കേസെടുത്തിട്ടുള്ളത്. റെജിലിനെ കോടതിയിൽ ഹാജരാക്കി റിമാൻഡ് ചെയ്തു. അരുണിനെ ബുധനാഴ്ച കോടതിയിൽ ഹാജരാക്കും.
