കണ്ണൂർ:മാങ്ങാട്ടുപറമ്പിൽ നടന്ന കണ്ണൂർ സർവ്വകലാശാല പുരുഷവിഭാഗം ഇന്റർ കോളേജിയേറ്റ് ഫുട്‌ബാൾ ചാമ്പ്യൻഷിപ്പിൽ തുടർച്ചയായി എട്ടാംതവണയും കണ്ണൂർ എസ്.എൻ കോളേജ് ചാമ്പ്യന്മാരായി. പയ്യന്നൂർ കോളേജാണ് റണ്ണറപ്പ്. . 66 ടീമുകളാണ് ചാമ്പ്യൻഷിപ്പിൽ പങ്കെടുത്തത്ക്വാർട്ടർഫൈസനിൽ സെന്റ് ജോസഫ് കോളേജ് പിലാത്തറയെയും (8-0) സെമി ഫൈനലിൽ സ്‌കൂൾ ഓഫ് ഫിസിക്കൽ എഡ്യുക്കേഷൻ മാങ്ങാട്ട്പറമ്പിനെയും (3-0) പരാജയപ്പെടുത്തിയ എസ്.എൻ കോളേജ് |ഷൂട്ടൗട്ടോളമെത്തിയ ഫൈനലിൽ ഒന്നിനെതിരെ നാല് ഗോളുകൾ നേടിയാണ് ചാമ്പ്യന്മാരായത്. സ്‌കൂൾ ഓഫ് ഫിസിക്കൽ എഡ്യുക്കേഷൻ മൂന്നും സർ സയ്യിദ് കോളേജ് നാലും സ്ഥാനങ്ങൾ നേടി.സമാപന സമ്മേളനത്തിൽ കെ.എ.പി 4ാം ബറ്റാലിയൻ അസിസ്റ്റന്റ് കമാൻഡന്റ് എ ശ്രീനിവാസൻ സമ്മാനദാനം നിർവ്വഹിച്ചു. സർവ്വകലാശാല കായികവിഭാഗം മേധാവി ഡോ.കെ.പി. മനോജ്, ഐ.ടിഎം ഗ്രൂപ്പ് ഓഫ് ഇൻസ്റ്റിറ്റ്യൂഷൻ ചെയർമാൻ എ.കെ.മുനീർ, ഐ.ടി.എം മയ്യിൽ, കാമ്പസ് ഓപ്പറേഷൻ ഓഫീസർ മുഹമ്മദ് ജൗഫർ, അരുൺ പവിത്രൻ, ഷിബിൻ ജോസഫ് എന്നിവർ സംബന്ധിച്ചു.
