കണ്ണൂർ ഖിദ്മ ചാരിറ്റബിൾ ട്രസ്റ്റിന്‍റെ വിദ്യാഭ്യാസ വിഭാഗമായ ഇൻസ്പെയറിന്‍റെ ആഭിമുഖ്യത്തിൽ നടക്കുന്ന പി.എസ്.സി രജിസ്ട്രേഷൻ ക്യാമ്പ് കണ്ണൂർ കോർപറേഷൻ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ സുരേഷ് ബാബു എളയാവൂർ ഉദ്ഘാടനം ചെയ്തു. പി.എസ്.സിയുടെ വിവിധ മത്സര പരീക്ഷകൾക്ക് രജിസ്റ്റർ ചെയ്യാൻ ഖിദ്മയുടെ ആയിക്കരയിലെ ഓഫീസിൽ ഈ മാസം 31 വരെയാണ് അവസരം ഒരുക്കിയിരിക്കുന്നത്. ഉദ്യോഗാർഥികൾക്ക് രാവിലെ 10 മുതൽ അഞ്ചു വരെ രജിസ്റ്റർ ചെയ്യാം.
ഖിദ്മ ഓഫീസിൽ നടന്ന ഉദ്ഘാടന ചടങ്ങിൽ ട്രസ്റ്റ്‌ ചെയർമാൻ ഡോ.പി. സലീം അധ്യക്ഷത വഹിച്ചു. ഖിദ്മ ഇൻസ്പെയർ നടത്തുന്ന വിദ്യാഭ്യാസ സംരംഭങ്ങളെ കുറിച്ചു കൺവീനർ കെ.എം. സാബിറ ടീച്ചർ സംസാരിച്ചു. ബി.കെ. ഫസൽ, ഹാരിസ് കാടാൻകണ്ടി, ടി. അഹ്‌മദ്‌, സകലൂൻ, ബി.ടി. ഷമീന തുടങ്ങിവർ പങ്കെടുത്തു. ടി. സാലിം നന്ദി പറഞ്ഞു.
