ജവഹർലാൽ നെഹ്‌റു പബ്ലിക് ലൈബ്രറി ആൻഡ് റിസർച്ച് സെന്ററിന്റെ ഈ വർഷത്തെ സി.പി. ദാമോദരൻ സ്മാരക പുരസ്‌കാരത്തിന് എഴുത്തുകാരൻ എം. മുകുന്ദൻ അർഹനായി.സി.പി. ദാമോദരന്റെ ചരമവാർഷികത്തിന്റെ ഭാഗമായി 26-ന് നടക്കുന്ന അനുസ്മരണ ചടങ്ങിൽ കാഷ് അവാർഡും മൊമന്റോയും നൽകുമെന്ന് ലൈബ്രറി വർക്കിങ് ചെയർമാനും കണ്ണൂർ കോർപ്പറേഷൻ മേയറുമായ ടി.ഒ. മോഹനൻ, സെക്രട്ടറി എം. രത്‌നകുമാർ, വൈസ് ചെയർമാൻ മുണ്ടേരി ഗംഗാധരൻ, ട്രഷറർ വി.പി. കിഷോർ എന്നിവർ അറിയിച്ചു.
