കതിരൂർ ഗവ. ഹയർ സെക്കൻഡറി സ്കൂളിൽ 1991 എസ്.എസ്.എൽ.സി ബാച്ച് മഹാത്മാ ഗാന്ധി പ്രതിമ നിർമിച്ചു. സ്പീക്കർ എ.എൻ. ഷംസീർ ഗാന്ധി പ്രതിമ അനാച്ഛാദനം ചെയ്തു. കതിരൂർ പഞ്ചായത്ത് പ്രസിഡന്‍റ് പി.പി. സനിൽ അധ്യക്ഷനായി. ചടങ്ങിൽ ശിൽപി ഉണ്ണി കാനായിയെയും ഇൻസ്പെയർ അവാർഡിൽ ജില്ലാതലത്തിൽ വിജയിച്ച് സംസ്ഥാനതലത്തിൽ പങ്കെടുക്കാൻ അർഹത നേടിയ ഫാത്തിമ സിയാ ഷംസ, നാഷണൽ സയൻസ് സെമിനാറിൽ സംസ്ഥാനതലത്തിൽ മികച്ച പ്രകടനം കാഴ്ചവച്ച പി.കെ. ആഷിക്ക അഷ്‌റഫ്‌ എന്നിവരെയും ആദരിച്ചു. ജില്ലാ പഞ്ചായത്ത് അംഗം എ. മുഹമ്മദ് അഫ്സൽ, ഷീജ കാരായി, ശ്രീജേഷ് പടന്നക്കണ്ടി, ചന്ദ്രൻ കക്കോത്ത്, പ്രകാശൻ കർത്ത, കെ.എം. ശിവകൃഷ്ണൻ, കെ.കെ. കുമാരൻ, ഡോ.പി.കെ. രതിക, പി.കെ. ലക്ഷ്മണൻ നമ്പൂതിരി, ഷാജി ഉച്ചമ്പള്ളി എന്നിവർ സംസാരിച്ചു.
