കണ്ണൂർ ജില്ല ഹയർ സെക്കണ്ടറി കെമിസ്ട്രി ടീച്ചേഴ്സ് അസോസിയേഷൻ കെ.ഡാക്ടിൻ്റെ നേതൃത്വത്തിൽ ആദരം 24 സംഘടിപ്പിച്ചു. റിട്ട ക്രൈം ബ്രാഞ്ച് എസ്.പി പി.പി സദാനന്ദൻ ഉദ്ഘാടനം ചെയ്തു. സി.വി രാജു അധ്യക്ഷനായി. പ്ലസ് ടു കെമിസ്ട്രി പരീക്ഷയിൽ 200 ൽ 200 മാർക്ക് നേടിയ ജില്ലയിലെ അഞ്ഞൂറോളം വിദ്യാർത്ഥികളെ ഹയർസെക്കണ്ടറി ജില്ലാ കോഡിനേറ്റർ എം.കെ അനിൽ കുമാർ ആദരിച്ചു.
കെമിസ്ട്രി അധ്യാപകരുടെ മക്കളിൽ ഉന്നത വിജയം നേടിയവരെ എസ് എസ് കെ ജില്ലാ ഡിപിഒ ഡോ: കെ.വി ദീപേഷ് അനുമോദിച്ചു. ജില്ലയിലെ സ്കൂളുകളിൽ നിന്നും തെരഞ്ഞെടുത്ത നിർധനരായ വിദ്യാർഥികൾക്കുള്ള പഠനോപകരണങ്ങൾ ചടങ്ങിൽ വെച്ച് വിതരണം ചെയ്തു. പ്രിൻസിപ്പൽമാരായ ആർ രാജേഷ് കുമാർ എം കെ മനോജ് കുമാർ കെ ഡാക്ട് സെക്രട്ടറി ഫിറോസ് ടി അബ്ദുള്ള എന്നിവർ ആശംസകൾ അർപ്പിച്ചു സംസാരിച്ചു. ഇ പി അനീഷ് കുമാർ സ്വാഗതവും ടി സി ജിഷ നന്ദിയും പറഞ്ഞു.
