കോഴിക്കോട്‌> ഖത്തർ മലയാളി പ്രവാസി സാംസ്‌കാരിക കൂട്ടായ്‌മയായ പ്രവാസി ദോഹയുടെ ബഷീർ പുരസ്‌കാരം എഴുത്തുകാരൻ വൈശാഖന്‌. അരലക്ഷം രൂപയും ആർടിസ്‌റ്റ്‌ നമ്പൂതിരി രൂപകൽപനചെയ്‌ത ശിൽപവും പ്രശംസാപത്രവുമാണ്‌ അവാർഡ്‌.
എം ടി വാസുദേവൻ നായർ ചെയർമാനും ബാബുമേത്തർ (മാനേജിംഗ്‌ ട്രസ്‌റ്റി), എം എ റഹ്മാൻ, കെ കെ സുധാകരൻ, ഷംസുദ്ദീൻ, സി വി റപ്പായി, ദീപൻ എന്നിവരടങ്ങിയ ജഡ്‌ജിംഗ്‌ കമ്മിറ്റിയാണ്‌ അവാർഡ്‌ നിർണയിച്ചത്‌. പുരസ്‌കാരവും എം എൻ വിജയൻ എൻഡോവ്‌മെന്റ്‌സ്‌കോളർഷിപ്പും ഒരുമിച്ച്‌ വിതരണം ചെയ്യും.
