ഏതു പ്രതിസന്ധിയില്‍ നിന്നും കരകയറാന്‍ കോണ്‍ഗ്രസ് നേതാക്കള്‍ക്കും പ്രവര്‍ത്തകര്‍ക്കും ഊര്‍ജ്ജമാണ് ലീഡര്‍ കെ.കരുണാകരന്‍റെ ഓര്‍മകളെന്ന് ഡി.സി.സി പ്രസിഡന്‍റ് അഡ്വ.മാര്‍ട്ടിന്‍ ജോര്‍ജ് പറഞ്ഞു.
കോണ്‍ഗ്രസ് പ്രസ്ഥാനം ഏറ്റവും വലിയ തിരിച്ചടി നേരിട്ട ഘട്ടത്തില്‍ പോലും പതറാതെ പിടിച്ചു നിന്ന് പിന്നീട് പാര്‍ട്ടിയെ വിജയത്തിലേക്ക് നയിച്ച ലീഡറുടെ ആത്മവിശ്വാസവും രാഷ്ട്രീയതന്ത്രങ്ങളും സമാനതകളില്ലാത്തതാണ്. നിലപാടുകളില്‍ കാര്‍ക്കശ്യം പുലര്‍ത്തുന്നതിനൊപ്പം തന്നെ പ്രവര്‍ത്തകരുടെ വികാരമറിഞ്ഞ് പെരുമാറാനും ലീഡര്‍ക്ക് സാധിച്ചു. കോണ്‍ഗ്രസ് പ്രസ്ഥാനം ഇന്നും ഏതു പ്രതിസന്ധിയേയും തരണം ചെയ്യുന്നത് കെ. കരുണാകരനെ പോലുള്ള നേതാക്കള്‍ കെട്ടിപ്പടുത്ത അടിത്തറയുടെ ഉറപ്പിലാണെന്ന് മാര്‍ട്ടിന്‍ ജോർജ് പറഞ്ഞു.
ലീഡറുടെ പന്ത്രണ്ടാം ചരമവാര്‍ഷിക ദിനത്തില്‍ ഡി.സി.സി ഓഫീസില്‍ നടന്ന പുഷ്പാർച്ചനയ്ക്ക് ശേഷം അനുസ്മരണ യോഗത്തിൽ സംസാരിക്കുകയായിരുന്നു അദ്ദേഹം. നേതാക്കളായ ടി.ഒ. മോഹനൻ,
പ്രൊഫ.എ.ഡി. മുസ്തഫ, വി.വി. പുരുഷോത്തമൻ, കെ. പ്രമോദ്, കെ.സി. മുഹമ്മദ്‌ ഫൈസൽ,
സി.ടി. ഗിരിജ, റിജിൽ മാക്കുറ്റി, വി.പി. അബ്ദുൽ റഷീദ്, സി.വി. സന്തോഷ്‌, റഷീദ് കൗവ്വായി, ടി. ജയകൃഷ്ണൻ,
കല്ലിക്കോടൻ രാഗേഷ് തുടങ്ങിയവർ പങ്കെടുത്തു.
