രാഹുല്‍ ഗാന്ധി നയിക്കുന്ന ഭാരത് ജോഡോ യാത്രയുടെ പ്രചരണ ബാനറില്‍ ആര്‍എസ്എസ് സൈദ്ധാന്തികന്‍ വിഡി സവര്‍ക്കറുടെ ചിത്രം. ആലുവ നെടുമ്പാശേരി എയര്‍പോര്‍ട്ട് ജംഗ്ഷന് സമീപം കോട്ടായിയില്‍ ദേശീയപാതയില്‍ സ്ഥാപിച്ച ബാനറിലാണ് സവര്‍ക്കറുടെ ചിത്രം ഇടം നേടിയത്. കോണ്‍ഗ്രസ് ചെങ്ങമനാട് മണ്ഡലം കമ്മിറ്റിയാണ് ബാനറില്‍ സവര്‍ക്കറുടെ ചിത്രം സ്ഥാപിച്ചത്. എംഎല്‍എ അന്‍വര്‍ സാദത്തിന്റെ ബൂത്തിലാണ് സംഭവം.
സംഭവം ചര്‍ച്ചയായതോടെ മഹാത്മാ ഗാന്ധിയുടെ ചിത്രം വച്ച് കോണ്‍ഗ്രസ് നേതൃത്വം ബാനര്‍ മറയ്ക്കുകയും ചെയ്തു.രാഹുലിന്റെ യാത്ര എത്തുന്നതിന് മണിക്കൂറുകള്‍ മുന്‍പാണ് ബാനറിലെ സവര്‍ക്കര്‍ ചിത്രം ഗാന്ധി ചിത്രമിട്ട് മൂടിയത്.ചെങ്ങമനാട് മുന്‍ പഞ്ചായത്ത് പ്രസിഡന്റിന്റെ നേതൃത്വത്തിലാണ് ബാനര്‍ സ്ഥാപിച്ചതെന്നാണ് വിവരങ്ങള്‍.സംഭവം സോഷ്യല്‍മീഡിയയില്‍ ചര്‍ച്ചയായതോടെ ഐഎന്‍ടിയുസി പ്രാദേശിക നേതാവാണ് ചിത്രം മറച്ചത്.
