ഓക്‌ലൻഡ്‌> വിയറ്റ്നാമിനെ ഗോൾമഴയിൽ മുക്കി നെതർലൻഡ്‌സ്‌ വനിതാ ഫുട്ബോൾ ലോകകപ്പ് പ്രീക്വാർട്ടറിൽ കടന്നു. എതിരില്ലാത്ത ഏഴു ഗോളുകൾക്കായിരുന്നു നെതർലൻഡ്‌സിന്റെ ജയം. മൂന്നു മത്സരങ്ങളിൽ നിന്ന് രണ്ടു ജയവും ഒരു സമനിലയുമടക്കം ഏഴു പോയിന്റുമായി ഗ്രൂപ്പ് ജേതാക്കളായാണ് നെതർലൻഡ്‌സ്‌ നോക്കൗട്ടിൽ കടന്നത്.
ഗ്രൂപ്പിൽ രണ്ടാം സ്ഥാനക്കാരായി നിലവിലെ ജേതാക്കളായ അമേരിക്കയും പ്രീക്വാർട്ടറിൽ കടന്നു. അവസാന മത്സരത്തിൽ ചാമ്പ്യന്മാരായ അമേരിക്കയെ പോർചുഗൽ ഗോൾരഹിത സമനിലയിൽ പിടിച്ചുകെട്ടുകയായിരുന്നു.
