ദുബായ് > യുഎഇ പ്രസിഡന്റിന്റെ സഹോദരനും അബുദാബി ഭരണാധികാരിയുടെ പ്രതിനിധിയുമായ ഷെയ്ഖ് സയീദ് ബിൻ സായിദ് അൽ നഹ്യാൻ അന്തരിച്ചു . ഷെയ്ഖ് സയീദ് ബിൻ സായിദ് അൽ നഹ്യാന്റെ വിയോഗത്തിൽ യുഎഇ പ്രസിഡന്റ് ഹിസ് ഹൈനസ് ഷെയ്ഖ് മുഹമ്മദ് ബിൻ സായിദ് അൽ നഹ്യാൻ അനുശോചിച്ചു.
ആരോഗ്യ പ്രശ്‌നങ്ങൾ അലട്ടിയിരുന്ന ഷെയ്ഖ് സയീദ് ഇന്നാണ് അന്തരിച്ചത്. യു എ ഇ യിൽ ജൂലൈ 27, വ്യാഴം മുതൽ ജൂലൈ 29 ശനിയാഴ്ച വരെ മൂന്ന് ദിവസത്തേക്ക് ഔദ്യോഗിക ദുഃഖാചരണം പ്രഖ്യാപിച്ചു പതാകകൾ പകുതി താഴ്ത്തിക്കെട്ടുമെന്ന് രാഷ്ട്രപതി കോടതി പ്രഖ്യാപിച്ചു.
