സിംഗപ്പൂര് ഓപ്പണ് ബാഡ്മിന്റണിൽ(Singapore Open 2022) ഇന്ത്യയുടെ പി വി സിന്ധുവിന് കിരീടം. വനിതാ സിംഗിള്സ് ഫൈനലില് ചൈനീസ് താരം വാംഗ് ഷി യിയെ മൂന്ന് ഗെയിം നീണ്ട പോരാട്ടത്തില് തോല്പിച്ചാണ് കിരീടം. സ്കോര്: 21-9, 11-21, 21-15. പി വി സിന്ധുവിന്റെ ആദ്യ സിംഗപ്പൂര് ഓപ്പണ് കിരീടമാണിത്. സീസണില് സിന്ധുവിന്റെ മൂന്നാം കിരീടം കൂടിയാണ്. കൊറിയ ഓപ്പണിലും സ്വിസ് ഓപ്പണിലും സിന്ധു 2022ല് കിരീടം നേടിയിരുന്നു.
