കോടിയേരി മാറ്റൊലി സാംസ്കാരിക വേദിയുടെ ആഭിമുഖ്യത്തിൽ സംസ്ഥാന തല കബഡി നൈറ്റ് സംഘടിപ്പിക്കുന്നു. മുൻ നഗരസഭാ ചെയർമാൻ സി.കെ. രമേശന്‍റെ അധ്യക്ഷതയിൽ
ഖാദി ബോർഡ് വൈസ് ചെയർമാൻ പി. ജയരാജൻ ഡിസമ്പർ 25 ന് വൈകിട്ട് 7 മണിക്ക് ഉദ്ഘാടനം ചെയ്യും.
സംസ്ഥാന – അന്തർ സംസ്ഥാന താരങ്ങൾ അണിനിരക്കുന്ന മത്സരത്തിൽ 16 പുരുഷ ടീമുകളും 8 വനിതാ ടീമുകളും മാറ്റുരക്കും. പുന്നോൽ കണ്ടിക്ഷേത്ര പരിസരത്ത്പ്രത്യേകം തയാറാക്കിയ ഫ്ലഡ് ലൈറ്റ് കോർട്ടിൽ
വൈകിട്ട് 5 മണി മുതൽ നേരം പുലരും വരെ മത്സരം നീളുമെന്ന് സംഘാടകർ വാർത്താ സമ്മേളനത്തിൽ അറിയിച്ചു.
പുരുഷവിഭാഗത്തിൽ ഒന്നു മുതൽ നാല് വരെ വിജയികൾക്ക് യഥാക്രമം 15000, 10000, 3000, 3000 രൂപ വീതം കേഷ് പ്രൈസും, ട്രോഫികളും സമ്മാനിക്കും. വനിതാ വിജയികൾക്ക് 10001 6000, 3000, 3000 രൂപ വീതവും ട്രോഫികളും സമ്മാനിക്കും. ക്വാർട്ടർ ഫൈനലിൽ എത്തുന്ന ടീമുകൾക്ക് ആയിരം രൂപ വീതം കേഷ് പ്രൈസ് നൽകുന്നതാണ്.
സി.പി. ഷാജി മാസ്റ്റർ, കെ.വി. വിജേഷ്, തേജസ്, എം. ബിജീഷ്, കെ.പി. തിലകൻ എന്നിവർ വാർത്താ സമ്മേളനത്തിൽ സംബന്ധിച്ചു
